Recibimos a visita da Directora Xeral de Persoas con Discapacidade, Begoña Abeijón Fernández
27 de maio de 2025 - Do sector
Esta mañá, tivemos o pracer de recibir en ASPABER a Begoña Abeijón Fernández, Directora Xeral de Persoas con Discapacidade da Xunta de Galicia, nunha xornada clave para visibilizar os servizos que a entidade desenvolve e expoñer as necesidades máis urxentes no ámbito da discapacidade.
Durante a visita, aproveitouse para poñer sobre a mesa a crecente necesidade de prazas no Centro de Día, así como de prazas residenciais, dous piares fundamentais para atender á poboación con discapacidade intelectual.
A Directora Xeral percorreu as instalacións e coñeceu o funcionamento do servizo de psiquiatría dentro da unidade de saúde mental, unha prestación esencial para o benestar integral dos usuarios/as. Ademais, tivo a oportunidade de descubrir o proxecto de Aprendizaxe-Servizo (ApS) sobre materiais didácticos adaptados, desenvolvido en colaboración coa Universidade de Santiago de Compostela (USC) a través dos perfís de Educación Social e Maxisterio. Este proxecto permite aos usuarios/as traballar con materiais deseñados especificamente para fomentar a aprendizaxe e a autonomía.
Abeijón Fernández tamén visitou as instalacións da FP Dual, e coñeceu os talleres de manipulados, carpintería, escaiola e soldadura plástica, e foi testemuña das actividades transversais ao aire libre a través dunha práctica de habilidades do supermercado.
Na visita estiveron presentes María Blanco, Directora Territorial da Concellería de Politica Social e Igualdade na Coruña e José Rey Torres, concelleiro do grupo municipal do Concello de Carballo.
Desde ASPABER, agradecemos tamén a presenza dos medios de comunicación que acompañaron esta xornada.
Ligazóns
- La Xunta destaca el trabajo de Aspaber para mejorar el día a día de las personas con discapacidad intelectual [XUNTA DE GALICIA]
- Aspaber y Apem destacan la necesidad de más plazas de centro de día y residenciales [DIARIO DE BERGANTIÑOS]
- La directora xeral de Persoas con Discapacidade conoció las peticiones de Aspaber [LA VOZ DE GALICIA]
- Aspaber traslada á Xunta a necesidade de máis prazas residenciais e no centro de día [EL CORREO GALLEGO]
Imaxes
